Like this:

તું ખરે જ અશરણશરણ હો મુરારિ,

                    તો કહે, હું થઇ તારી તો ય કાં હારી?….

અહીં મારા દરદનું માપ નથી,

                  ત્યાં અકળ ગણતરી તારી,

આ અટૂલી રાધા ન સાંભરી તને,

                  જ્યારે સોળ સહસ્ત્ર તારી?

તારી આ બાદબાકીમાં શ્યામ,

                  હું તો સરવાળે સરવાળે હારી…

તું દ્વારિકાનગરીએ થયો સોનાનો,

                  હું વ્રંદાવન રખ્યા થઈ એનું શું?

કુબ્જાની કાયાપલટ ગવાય ભલે,

                  હું સુંદરીની કુબ્જા થઈ એનું શું?

તને હૈયું હારીને ગોવર્ધનધારી,

                  હું તો હૈયાધારણથી ય હારી…

Advertisement